A gò su co’i rompic….i

I me ga fato visita, quatro rompic….i. Qua no se capisse pì come se possa ‘ndare vanti, se paga sempre sensa aver gnente de grassia. Vardo a sanca e a manca vardo anca drio e davanti a mi ‘no vedo trodoi a poder sapegare co’i me pie. ‘Na man data da vojaltri saria el tocasana par a me atività, vegnì in tanti a bevare e a magnare e a divertirse in compagnia co’i vostri amissi e a mi (quando che go tempo a stare insieme a vojaltri). Ciao da Vaerio a presto.

Me vien da sganassare

A no so mia bon che a me passe, a go scominsià a sganassare par ‘na monada dita da un che’l ze capità qua a bevare un cafè e ‘na paroéa tira ‘naltra el ze ‘nda via con do seste de quarei. A ghe ben capio tuti a ghe go venduo el stampo par far e martondee, mi ghe riesso o stesso a farmée ze jù che nol savea cossa che le jera, dopo averghe dato da assajare el ga vossuo el stampo e mi ghe o gò venduo. Spero soéo che me capite qua ancora de persone cossì gentìi e bone de portafojo, me nono me diseva che nasse un b…o al dì fortunado chi seo cuca. Se anca vojaltri ve capitasse monade cussì, fasimee savere. Ciao Vaerio

Scarpie

No pensavo de trovar ‘na grota mai gnancora vedua da anima viva. Me son ciapà ‘na pertega e go scominsià a far da muineo da quante scarpie che ghe jera picà. Pì ‘ndavo vanti e pì me rendevo conto che jera squasi impossibie catare el fondo. Bestiasse no’ ghi ‘nera ma mi gavevo un fìfio che me ca..vo dosso. D’un colpo me pareva de aver sentio un grafugnar de fora, coro e in lontanansa go visto un porseo nero (come el carbon) co do dentassi, in fora, sul grugno. Impaurio de prima, desso cossa fasso? Ve asso a Voialtri el finae, vedemo se me indovinè cossa che go fato (vardè anca cossa che meto in-tea tecia ‘sto SABO. Ciao tosi e tosate).

Fungolandia

Cossa ghi’n penseo se buto la su carta anca un magnar soéo de fonghi. ‘Na bea supeta de fonghi co’ i crostoni de pan, e dopo un bel piato de fonghi e poenta, ‘na volta se faseva nosse. Savime dir la vostra opinion. Voria farlo de ZOBA (el zoba par nialtri vecioti zera el dì che se andava a trovar la morosa) ae 20,30 con a prenotassion anticipà. Ciao da Vaerio

El pomo dòpio

mela
Gavio visto che pomo che ze cressuo qua dal Brigante? Anca dòpio par contentare do al posto de un. Ze come a moltiplicassion del pan e pesse. Provo anca con un scheo vedemo se fasemo l’albaro dei schei. Gh’in sotero soeo un st’ano e vedemo sel ciapa, st’ano che vien gh’in soteremo ‘na piantada. Augurassi

sensa tempo

Ze un correr drio, ze tuto un vanti e indrio, ze tuto par ciapar franchi (scusa Euri), no i basta pì. Te rabalti le scarsée e no’ te vedi un beco de scheo, nialtri spetemo zente che no’ vien, spetemo sperando, se more anca crepando! Dal Luni al Sabo beo soe aéa domenega fredo e piova, come se poe andar vanti cossì. Ciao tosi Vaerio.